Әбішев Картай

       1906 жылы қазіргі Қостанай облысы, Жангелді ауданы, Аманкелді ауылдық кеңесінде дүниеге келген. Жастайынан еңбекке араласады. 1942 жылдың ақпан айынан 1944 жылдың наурыз айына дейін 178 атқыштар полкінде атқыш болды. 1944 жылдың 10 маусымында ауыр жарақатына байланысты армия қатарынан босатылды. Соғыстан оралғаннан кейін Жаркешу, кейін Сталин атындағы ұжымшарында әр түрлі жұмыстар атқарды. 1960 жылы кеңшар құрылғаннан кейін Қарғалы бөлімшесінде зейнетке шыққанға дейін шопан боп еңбек етті. Ұлы Отан соғысына қатысушы ретінде Жеңістің, Қарулы Күштердің атаулы жылдарында мерекелік медаль, белгілермен марапатталған. 1984 жылы қайтыс болды.

Джангельдинский район

Әділбеков Оразғали

       1906 жылы қазіргі Аманкелді ауданында туған. Әскерге Торғай АӘК–нан 05.1940 жылы шақырылып, соғыста 118 АП құрамында қатардағы жауынгер болған. Әскерден 05.1945 жылы босап елге келген. 1995 жылы қайтыс болған.

Амангельдинский район

Әдресов Ғиният

       1920 жылы мамыр айында Қостанай облысы, Аманкелді ауданы, Құмкешу ауылында туған. Әскерге Федоров АӘК-нан шақырылып, 1060 АП бөлімше командирі болған, кіші сержант. 1946 жылы әскерден босап келген соң, совхозда қойшы болған. 1997 жылы қайтыс болған.

Амангельдинский район

Әжмағамбетов Байдрахман

       1926 жылы 3 наурызда Қостанай облысы, Аманкелді ауданы, Байғабыл ауылында дүниеге келген. Еңбек жолын 1941 жылы Киров атындағы колхозда колхозшы болып жұмыс істеуден бастаған. 1944 жылы 17 қарашада Совет Армиясының қатарына шақырылып, ІІ Белорусь майданынын 298 атқыштар полкінің құрамында шайқасқа қатынасты. 1944 жылдың наурыз айында Днепр бойында болған ұрыста жараланды, Николаевск қаласындағы госпитальда емделгеннен кейін майдан шебіне оралды, Минск, Витебск қалаларын азат етуге қатынасты. Соғыс аяқталғаннан кейін 1946 жылдың қарашасынан Белоруссияның Полоцк қаласындағы 64675 әскери бөлімшесінде қызмет етіп, 1950 жылы елге оралды. Еңбек жолын жалғастырып, Киров атындағы колхозда қойшы болды. 1970 жылдан бастап «Степняк» совхозында құрылысшы болып істеді. 1986 жылы зейнеткерлікке шықты. Алты баласы бар (3 ұл, 3 қыз), алты немере сүйіп отыр. Наградалары: ІІ дәрежелі Отан соғысы ордені, және 10 мерекелік медальдары бар.

Амангельдинский район

Әжмағанбетов Байдырахман

       9 мамырда 1926 жылы Аманкелді ауданында туған. Әскерге Торғай АӘК-нан 1943 жылы қыркүйек айында шақырылып, 357 әуе-әскери полкінде жауынгер – атқыш болып, әскерден 1945 жылы елге оралған. Совхозда жұмыс істеп, зейнеткерлікке шыққан. Қайтыс болған.

Амангельдинский район

Әкімжанов Ануарбек

       1920 жылы Қостанай облысы, Торғай ауданы, Сарсу ауылында туған. 1938 жылы Торғайда 7 сыныпты бітірген. 1940 жылы қазан айында әскерге алынып, Ішкі істер әскерлерінің құрамындағы 323-конвой полкінде бөлімше командирі қызметін атқарды, кіші сержант. Әскер қатарындағы ерлігі үшін «Жауынгерлік еңбегі үшін», «Ленинградты қорғағаны үшін», «1941-1945 жылдардағы Ұлы Отан соғысында Германияны жеңгені үшін» медальдарын алған. Отан соғысына қатысушы ретінде Жеңістің, Қарулы Күштердің атаулы жылдарында мерекелік медаль-белгілерімен атап өтілген. Елге 1946 жылдың аяғында оралған. Алматыда есеп қызметкерлерінің 6 айлық курсын тәмәмдап, көп жыл аудандық қаржы бөлімінің инспекторы міндеттерін атқарды. Кейін СПТУ-да қойма меңгеруші, «Речной» ұжымшарында кассир, мұнай базасында заправщик жұмысында болды. Зейнетке 1980 жылы шықты. 1996 жылы өмірден озды. Жұбайы Гүлбану екеуі 3 ер бала, 4 қыз тәрбиелеп өсірді, олардан қазір 19 немерелері бар.

Джангельдинский район

Әлиақпаров Ғабдол-Мажит

       1910 жылы қазіргі Қостанай облысы, Аманкелді ауданы, Жалдама бойында туған. 1922-1928 жылдары Аманкелді орта мектебінде оқыған. 1928-1930 жылдар аралығында Аманкелді ауданында артельде жұмысшы болып еңбек еткен. 1938-1948 жылдары армия қатарында болған. Соғыста 120 АД құрамында қатардағы жауынгер. Эстония жерін азат ету ұрыстарына қатысқан. Жауынгерлік 6 медальмен марапатталған. 1948 жылы елге оралғасын, бұрынғы жұмыс орнында завхоздың міндетін атқарған. 1962 жылы ауыр науқастан қайтыс болды. Зайыбы Әлиақпарова Болтай екеуінің артында екі баласы, 2 немересі бар.

Амангельдинский район

Әлиев Кеңарал

       1907 жылы Қостанай облысы, Аманкелді ауданының №8 ауылында дүниеге келді. Соғысқа дейін туған жерінде әуелі серіктестікте, кейін колхозда әртүрлі жұмыстар істеді. 1941 жылдың қараша айында әскер қатарына алынып, Сталинград майданына қатынасты. 1943 жылы ауыр жараланып, елге оралды. Көп жылдар бойы колхозға басқарма, басқарманың орынбасары, ауыл шаруашылығы маманы (зоотехник) болып жұмыс атқарды. Ұлы Отан соғысында Қызыл Жұлдыз, І дәрежелі Отан соғысы ордендерімен, «1941-1945 жылдардағы Ұлы Отан соғысында Германияны жеңгені үшін» және бірнеше мерекелік медальдармен марапатталды. Бейбіт еңбекте «Құрмет белгісі» орденімен, «Еңбектегі ерлігі үшін», «Еңбек ардагері» медальдарына ие болды. Екі баласы бар, солардан немере, шөбере сүйіп отыр.

Амангельдинский район

Әлімбаев Әбдікәрім

       1926 жылы қазіргі Қостанай облысы, Жангелдин ауданының Албарбөгет ауылдық округінде туған, орта білімді. 1943 жылы шілде айында армия қатарына шақырылған. Азат етілген аудандарда жол тазарту, салу ісіне қатысты. 1945 жылдың шілдесінен батыс жол салу полкінің 96 батальонында сапер-атқыш боп жұмыс істеді. Жау жағы миналап кеткен жолдарды залалсыздандырумен айналасып жүргенде оң жақ жамбасынан жарақат алып, эвакогоспитальде 3 айдай емделді. 1950 жылы көктемде армия қатарынан босап келіп Құсмұрын станциясына (Қарағанды теміржолының) жұмысқа орналасты, әуелі аға кондуктор, кейін бас кондуктор, вагондарды тіркеуші жұмыстарын атқарды. 1960 жылы туған ауданына оралып, Қызыләскер кеңшарында жол жөндеу шеберінің жұмысында, кейін ДЭУ-236 мекемесінде істеді. 1964 жылдың шілдесінен 1966 жылдың қаңтарына дейін «Еңбек» кеңшарында қоғамдық тамақ ұйымдастыру жөніндегі инспекторы, кеңшардың негізгі өндіріс орны бөлімше басқарушысы болды. 1974 жылдың маусым айында аудандық дайындау мекемесінің директорлығына жоғарылатылды. Кейін «Еңбек» кеңшарының алыстағы «Айырқұм» бөлімшесін басқаруға жіберілді. 1980 жылдың маусымынан қайтадан аудандық дайындау мекемесін басқарды. 1983 жылдың мамырынан қызметін атқарды. Ұлы Отан соғысына қатнасушы ретінде Жеңістің мерекелік медальдарымен, сондай-ақ «Еңбекте үздік шыққаны үшін» медалімен марапатталды. Жұбайы Зағипа Нұрсейітқызы екеуі 2 ұл, 1 қыз өсірді, бірнеше немерелері мен шөберелер сүю бақытына ие болды.

Джангельдинский район

Әлімов Отар

       1908 жылы Торғайдың Қошақов құмында туған. Әуелі серіктестіктерде, кейін «Соцжол» ұжымшарында еңбек еткен. Әскерге 1941 жылы тамыз айында алынып, 1942 жылы алғашқы ұрыстардың бірінде екі көзден бірдей айырылып, елге І топта мүгедек болып оралды. Отан соғысының мүгедегі ретінде Жеңістің, Қарулы Күштердің атаулы жылдарында мерекелік медаль, белгілермен марапатталған. 1991 жылы 83 жасында дүниеден өтті.

Джангельдинский район