Әмірхамзин Ғабдол-Ғазез

       1912 жылы қазіргі Қостанай облысы, Аманкелді ауданы Жалдама бойында туған. 1924-1930 жылдары Аманкелді орта мектебінде оқыған. 1936 жылы Жасбуын орта мктебінде мұғалім болып істеген. 1939 жылы армия қатарына алынған. Финн және Ұлы Отан соғыстарына қатынасқан. «1941-1945 жж. Ұлы Отан соғысында Германияны жеңгені үшін» медалінің, Қызыл Жұлдыз орденінің, бірнеше мерекелік медальдардың иегері. 1946-1972 жылдары аралығында Жаңа-тұрмыс, Үрпек ауылдарында мұғалім болып жұмыс істеген. 1972 жылы зейнеткерлікке шығып, 1999 жылы 87 жасында қайтыс болған. Артында 4 баласы, 13 немересі бар.

Амангельдинский район

Әмірхамзин Ғабдол-Ысқақ

       1923 жылы Қостанай облысы, Аманкелді ауданы Жалдама бойында туған. 1930-1936 жылдары Аманкелді орта мектебінде оқыған. 1941 жылы армия қатарына алынып, 1942 жылы денсаулығына байланысты армия қатарынан босап, елге оралған. Сол жылдардан бастап елде есепші мамандығы бойынша жұмыс істеген. 1964 жылы А.Иманов атындағы совхоздың, Ағаштыкөл бөлімшесінде есепші қызметін атқарған. 1967-1983 жылдары Бордақылау совхозында есепші болып жұмыс істеген. 1983 жылы зейнеткерлікке шығып, 1991 жылы 68 жасында қайтыс болған. Әмірхамзин Ғабдол-Ысқақпен зайыбы Сұлтанбекова Мағрипаның артында 2 баласымен, 8 немересі бар.

Амангельдинский район

Әмірхамзин Насыр

       1926 жылы Аманкелді ауданында туған. Торғай АӘК-нан әскерге алынып, соғыста 04.1944-05.1945 жылдары 2 Армияның 298 АП құрамында қызмет еткен. Елге келген соң, көп жыл бойы бала оқытып, зейнеткерлікке шыққан. Қайтыс болған, жауынгерлік 4-медальмен марапатталған.

Амангельдинский район

Әндіров Сәтмағанбет

       1926 жылы қараша айының 20 күні Қостанай облысы, Аманкелді ауданына қарасты №6 ауылда туған. 1944 жылы әскер қатарына шақырылып, ІІІ Белоруссия майданында 345-ші гвардиялық полкінің 24-ші атқыштар батальонның қатарында неміс басқыншыларына қарсы ұрыстарға қатысады. Кейін 23-ші танк бригадасында радиоторабын басқарады. Шығыс Пруссияны азат ету және Кенигсберг қаласын қоршау ұрыстарына қатысып, байланыс жүйесін мүлтіксіз атқарып, жоғары орындарынан бірнеше алғыстар алады. І дәрежелі Отан соғысы орденімен, «Ерлігі үшін», «1941-1945 жылдардағы Ұлы Отан соғысындағы Германияны жеңгені үшін» және жеңістің мерекелік 6 медалімен марапатталады. 1945 жылдың шілдесінде әскер қатарынан босап, елге келеді. 1946-1951 жалдары аудан орталығындағы радиоторабын, аудандағы ауа райын бақылайтын мекемесін басқарады. Кейін аудандық байланыс торабы бастығының орынбасары, селолық әкімшіліктің төрағасы қызметін атқарып, зейнеткерлікке шығады. «Тың жерлерді игергені үшін» медальмен марапатталған. Жанұясында 4 ұлы, 2 қызы, 20 немересі, 2 шөбересі бар. 1982 жылы қайтыс болады.

Амангельдинский район

Әубәкіров Қабыкен

       1926 жылғы 25 наурызда Қостанай облысы, Аманкелді ауданының №8 ауылында туған.Әскерге алынғанға дейін колхозшы болған. 1944 жылы 17 желтоқсанда әскер қатарына алынған. 24 атқыштар полкінде қатардағы жауынгер, 321 атқыштар полкінің құрамында соғысқа қатынасқан. 1950 жылдың аяғында елге оралған. 1959 жылға дейін Қостанай облысы, Комсомол ауданында ақша бөлімінде салық жинаушы болып істеген. Кейін Арқалық қаласында экспедитор болып жұмыс атқарған. 1986 жылы зейнеткерлікке шыққан. 9 бала тәрбиелеп өсірген. Алған наградалары: ІІ дәрежелі Отан соғысы ордені, «1941-1945 жылдардағы Ұлы Отан соғысында Германияны жеңгені үшін» медалі және мерекелік алты медалі бар. 1988 жылы қайтыс болған.

Амангельдинский район

Әубәкіров Бадырақ

       1916 жылы Торғайдың Шилі ауылында туған. Мектептің 4 сыныбын бітірген. Әуелі серіктестікте, кейін ұжымшарда жұмыс істеген. Әскерге 1941 жылы алынып, Смоленск, Москва қалалары үшін болған айқастардың куәсі. Жауынгерлік медальдары бар. Елге келген соң, 1946 жылдан бастап, әуелі ұжымшарда, кейін «Бестау», «Шилі» кеңшарларында шопан болды. Соғыс ардагері ретінде мерекелік марапаттауда болды. 1995 жылы қайтты.

Джангельдинский район

Әубакіров Қабыкен

       25 наурызда 1926 жылы Аманкелді ауданында туған. 1943 жылы қазан айында Федоров АӘК-нан әскерге шақырылып, 321 АП құрамында Молдавия жерін жаудан азат ету ұрыстарында қатынасып, 1950 жылы әскерден босап, Аманкелді ауданында әр түрлі жұмыстар атқарған.

Амангельдинский район

Әубакіров Әуезхан

       1926 жылы Аманкелді ауданында туған. 04.1944 жылы Аманкелді АӘК-нан әскерге шақырылып, 05.1945 жылға дейін 1324 СП құрамында қатардағы жауынгер. Елде бала оқытып, ұстаз болды, зейнеткерлікке шыққан. Қайтыс болған.

Амангельдинский район

Әубакіров Естияр

       1910 жылы қазіргі Аманкелді ауданы, Еңбекші ауылдық кеңесіне қарасты Қарасу ауылында туған. 1940 жылы Торғай АӘК-нан әскерге алынып, Ленинград майданында 92-ші гв. АП құрамында соғысқан. Әскери атағы старшина, әскерден 1945 жылы босап, елге келген соң, зейнеткерлікке шыққанша совхозда мал дәрігері болып жұмыс істеген. Қайтыс болды.

Амангельдинский район

Әубакіров Сәбит

       1925 жылы 5 мамырда Аманкелді аудынының 2 ауылында дүниеге келген. Әскер қатарына 1943 жылғы 7 қаңтарда шақырылып, Орал әскери округінің 382 атқыштар полкында қатардағы атқыш болған. 1943 жылдың 5 наурызында 1516 гвардиялық атқыштар полкының құрамында Брянск майданында ұрысқа кірген. Сол жылдың қазан айында жарақат алып, госпитальда емделіп шыққаннан кейін, І Украин майданында 270 гвардиялық атқыштар полкында зениттік пулеметшілер бөлімшесінің командирі болып ұрыстарға қатысқан. Жеңіс күнін осы полктың құрамында қарсы алған. Әскер қатарында 1950 жылдың наурыз айына дейін болды. Отан соғысы орденімен, «Ерлігі үшін», «1941-1945 жылдардағы Ұлы Отан соғысында Германияны жеңгені үшін», «Берлинді алғаны үшін», «Праганы азат еткені үшін» медальдарымен және соғыстан кейінгі мерекелік медальдармен марапатталған. Әскер қатарынан оралғаннан кейін Аманкелді ауданында прокуратурада, әскери комиссариатта, аудандық атқару комитетінде - әлеуметтік қорғау бөлімінің бастығы, жоспарлау комиссияның төрағасы, ұйымдастыру бөлімінің меңгерушісі, аудандық партия комитетінің нұсқаушысы және бірқатар мекемелерде есепші және экономист болып еңбек етіп, 1985 жылы зейнет демалысына шықты. Еңбектегі жетістіктері үшін «Тың жерлерді игергені үшін» медалімен, «Ерлік еңбегі үшін Владимир Ильич Лениннің туғанына 100 жыл толуы құрметіне» мерекелік медалімен наградталған. 1993 жылдың 9 наурызында қайтыс болды. Бес баласы, жеті немересі бар.

Амангельдинский район